Pages

Thursday, February 25, 2010

Pukaar

Holi ka din tha,suhana mausam..har jagah masti mauj ho raha tha lekin uski aankhein toh thami thi uske ghar ki taraf...
Lehar abhi 12th class mein thi...board sir par tha lekin wo toh bas uski ek jhalak dekhne ke liye bethi thi apni kamare ki khidki par.

Wo roz padne ata tha apne terrace par..."Ajj pata nahin kyun nahin aya" bas yehi soch rahi thi wo,ki aisa kya hua,fir socha ki shayad wo holi manane mein laga hoga.

Lehar ko holi bilkul pasand nahin thi..isiliye toh wo apne kamare mein band bethi thi....achanak se uska dhyan palta aur dekha ki wo apne doston ke sath upar aya.

Uske chehare par holi ka rang dekh kar lehar ka bhi mann kiya holi khelne ka,par yeh kya wo toh neeche chala gaya????
Kyun,kisliye...aj tak 17 saalon mein wo kabhi nahin aya tha neeche..par shayad aj kuch alag tha.

Fir kya tha lehar ne turant apni dost ko phone lagaya...bade ruthne manane ke baad uski dost maan gayi.

Lehar sirf usko dekhne ke liye ,usse rang lagane ke liye hi holi manane ayi thi.

Par yeh kya,"yahan toh nahin hai",uski dost palak boli.Lehar ki aankon mein mayusi chha gayi,achanak se use wo dikha.........par ek ladki ke sath,dono bade khush the..itne mein awaaz ayi "bhabhi ji rang laga lo na bhaiya ke hatho" yeh sun lehar ke dil ke tukade ho gaye,mano kisi ne usse apne sapne se jaga diya ho.

Badi udaas mann ke sath wo wapis ghar chali gayi aur yehi socha





"barso dube rahe unke pyar mein jinko tha na yakeen hamare hi ikraar par,
ab toh bas iss dil ko talash hai unn nazaro ki jo aakar thamegi hamare ek pukaar par"

Friday, February 12, 2010

Karzzz...


Kafi dino se dekh rahi hun ki mere kayi dost apne blogs par aisa kuch likh rahe hai jo unhone bahut pehle likha tha toh mere taraf se bhi kuch aisa jo meine last year july mein likha tha....




"Khuda se maanga tha ek saans udhar ,tumhari ek jahlak paane ke liye..
Tum toh na aaye aee sanam,hume chod diya khuda ka karz utarane ke liye."

Tuesday, February 9, 2010

Wo kehte gayee....


Wo kehte gaye pyar hai naam nadani ka,
humne kaha nadaani hi sahi,par kaam hai yeh deewano ka

Wo kehte gaye na kar yeh duniya apni kisi anjaan ke liye
humne kaha naam hi sahi,par yeh saansein hai sirf usi ke liye

bas aise hi zindagi ke safar mein wo kehte gaye aur hum sunate gaye

aaj jab hai na wo saamne hamare to uss dard ne kaha,ki mat kar yaad uss begaane ko
humne kaha begana hi sahi, par pyar hai wo hamare armaano ka

par ho na saka tera wo,to kab tak milegi apne tasavur mein tu
humne kaha ki tasavur hi sahi,maut bhi ruki hai unko ek pal dekhne ko....

Sunday, February 7, 2010

Kurbaani


Teri uss umang mein peete rahe dard-e-mohabbat
kuch na bata paye aur sehate rahe zakhm e dard

Fir tujhe khone ke darr se di duhayi tujhe tere umang ki
lauta aa hamare pass,warna dekh kurbaani tere pyar ki

itihass ke panno ne waqt ko fir dauharaya
aur dard tha aj unhe mere iss chah par

aj wo the hamare paas,fir bhi na jaane kyun thi dooriyan
dard hasa aur kaha ki kitno ki cheeni tune khushiyaan

dard tha challani mere iss bartao par
aur fir jaana ki kurbaani hai ek naam apni uss chah ka


Monday, February 1, 2010

Wo Ek Pal....

AAj ke ek nayi subah thi mannat ki zindagi mein....aj ek nayi kiran ke sath wo apne college ja rahi thi.Roz wo 9 baje tak hi
colege phuncti thi..aur Sameer thik 9:15 baje ata tha,par pata nahin kyun aaj wo panderaah minute usse ek ghante ke jaise lag
rahe the. Finally wo usse ata dikhayi diya.aaj usse dekh kar ek alag hi chamak thi uski aankhon mein,kyunki shayad abhi abhi
wo apne haale dil ke zubaan samjh payi thi.Badi si muskaan ke sath aaj usne usko "hi" bola. Wo bhi bada khush tha.......yeh
dekh kar use heraani hui...use laga ki kahin uske mann mein bhi toh aisa kuch nahin hai.Bas fir kya tha yeh pagal awara dil
ne kiya connection dimag ke sath aur sapne dikhane laga unn aakhon ko.ek dum se usne kuch bola...."yar wo aa gayi"...mannat
ne peeche mud kar dekhaa,dusari course ki ek student ja rahi thi...achanak se sameer ki aankhon mein bhi usse wahi chamak
dikhai dii jo kuch derr pehle uski aankhon mein thi.
usski muskaan mayusi mein badal gayi...achanak se wo subah jisme ek nayi kiran thi wo ab ek chubhati roshani ki tarah uskii
aankhon ko pareshaan karne lagi.
Class ka time ho gaya tha.Uska jaane ka mann nahin tha,par kya karein kya batayegi wo wajah. Mann haar ke usse classes attend
karni padi.Ek..ek karke saare lectures ho chuke the,wo usse bye bol kar ghar chali gayi.Ghar jakar usse mann bahut hua ki
royee...kyunki uski kahani shuru hone se pehle khatam ho gayi thi....jaise kisi phool ko khilane se pehle hi masal diya ho.
Wo ro bhi nahin payi...kya kehti wo sabse ki kyun ro rahi hai....apne aansun ko wo peeti chali gayi.

Aaj uske liye sona bahut mushkil tha...kab subah hui usse pata na chala.

Achanak se phone ki ghanti baji.."aaj tum ayi kyun nahin,pehle bata diya hota mein bhi nahin ata"...yeh sameer ki awaz thi...
aj usse uss awaz se nafrat se ho rahi thi..bade hi dheeme awaaz mein kaha ki mein aur 3-4 din nahin aungi,bas itna kehte hi
usne phone rakh diya kyunki use malum tha ki wo usse wajah puchega.

Yeh ehsaas usse andar hi andar khaye ja raha tha,usne himmat ki aur 4 din ke baad college ayi,wo wahin khada tha.."finally
madam aa gayi and tune mere phn kyun nahi uthaya".Wo kuch na keh saki aur boli "kisi se baat karne ka mann nahin tha".Usne
aage kuch nahin pucha...par kyun??????? Aj tak kabhi aisa nahin hua tha,usse samjh nahin aya...wo shayad bahut pareshaan tha...
kuch derr ke baad usse pata chala ki wo bhi aj 3 din ke baad college aya tha,"PAR KYUN????"

Usne pucha sameer se ,toh usne bataya ki usne uss ladki ko propose kara but usne mana kar diya...yeh sunn kar mannat ke
chehre par ek alag chamak aa gayi thi,...par... ,kya yeh sahi tha??
usko chahne se pehle wo uska dost tha..jab sameer ko uski sabse zyada zarurat thi tab wo uske sath nahi thii,shayad mannat ko
yeh ehsaas tha ki usne kafi galat kiya tha.

Aaj jab college khatam hone wala hai tab wo dono bahut ache dost hai...
Mannat ab usse sirf apne ache dost ki tarah dekhti thi...par shayad uske mann mein aj bhi kahin wo pyar chupa hai,jisse usne
apne dil mein daba rakha hai ek gehare raaz ki tarah.

Aaj unki dosti ko 10 saal ho gaye hai.........

Aaj bhi wo usse waise hi dekhna pasand karti hai...par wo usse shayad zindagi mein kabhi nahin bateygi wo uska pehla ehsaas..
uss pehle pal ke baare mein jab usko uss pyar ka aakhaaz hua tha
Umar bhar Sameer bhi usse sirf usse dost hi manega chahe kitni baar bhi uss pyar ke toofan mannat ke mann chale ho
Isiliye toh Mannat apne uss Dard mein bhi khush hai.....



"ek rishta banane ke liye chahiye hota hai 2 pal ka sath
aur usko nibhane ke liye jeevan bhar ka sath"

"aisi hi ek rishte kii chah thi mere maan mein
jisko tumne bulaya dosti aur humne diya usse pyar ka naam"